Адкрытыя міжрэгіянальныя майстар-класы педагогаў
20.01.2021Міжрэгіянальныя майстар-класы адбудуцца ў межах рэалізацыі рэспубліканскага інавацыйнага праекта ўстановы адукацыі «Нацыянальны цэнтр мастацкай творчасці дзяцей і моладзі» Міністэрства адукацыі Рэспублікі Беларусь «Укараненне мадэлі сеткавай арганізацыі дзейнасці суб'ектаў рэспубліканскага метадычнага кластара як умова фарміравання інавацыйнага адукацыйнага асяроддзя дадатковай адукацыі дзяцей і моладзі» і рэспубліканскага культурна-адукацыйнага праекта “Беларускае народнае мастацтва і дзеці”.
Мэта правядзення міжрэгіянальных майстар-класаў: развіццё інтэграванай культурна-адукацыйнай прасторы праз стварэнне прафесійнай супольнасці педагагічных работнікаў для вырашэння задач па перайманні, захаванні і трансляцыі рэгіянальных народных мастацкіх традыцый; вывучэнне і распаўсюджванне актуальных педагагічных практык выхавання і творчага развіцця дзяцей і моладзі сродкамі традыцыйнага мастацтва беларусаў.
Удзельнікі майстар-класаў: педагогі дадатковай адукацыі ўстаноў дадатковай адукацыі дзяцей і моладзі і агульнай сярэдняй адукацыі, аб’яднанні па інтарэсах народнай дэкаратыўна-прыкладной і фальклорнай (музычнай, тэатральнай) творчасці.
Фармат правядзення адкрытых міжрэгіянальных майстар-класаў
Адкрытыя міжрэгіянальныя майстар-класы праводзяцца ў анлайн фармаце з выкарыстаннем сучасных сродкаў анлайн-камунікацыі: сацыяльная сетка Instagram, афіцыйныя інтэрнет-сайты ўстаноў дадатковай адукацыі дзяцей і моладзі, відэахосцінг YouTube.
Удзел у праекце прымала і педагог дадатковай адукацыі Бабарыка Зоя Міхайлаўна Вілейскага раённага цэнтра дадатковай адукацыі дзяцей і моладзі з распрацоўкай ”Наступілі святкі – пачаліся калядкі”(намінацыя "Музычны фальклор.Фальклорны тэатр).
Падрабязней пазнаёміцца з распрацоўкай педагога і іншымі матэрыяламі конкурсу можна на сайце "Нацыянальны центр мастацкай творчасці дзяцей і моладзі" па спасылцы.
Глядзіце і стаўце лайкі!
Інфармацыя падрыхтавана па матэрыялах сайта "Нацыянальны центр мастацкай творчасці дзяцей і моладзі"